top of page

LUMINUWAS SA PATULOY



Tigsik ko po ining si Absalon

Mayong chibug, sige sanang inom

Aw, napasma nagpara-agul-ol

An duwang bitis nakapurongpong!


Tigsik ko man ining sakong Padi

Dae pang pamahaw sige na an Empe

Naiskandalo an mga bulate

Nagsukamang, napusi an butse!


Tigsik ko an tambay na si Kamlon

Nakahuyom dawa mag-inom maghapon

Naburat bako po sa pag-inom

Kundi sa pagkabig sa pagsumsom!


Tigsik ko man an listong sakristan

Pagmisa po ni Father, high na high

Kawasa enot nang nakatagay

Kan Mompo na saiyang inikitan!


Tigsik ko si Gin saka si C2

Dayupot an pagkakaamigo

Kun nag-ibahan sa laog kan baso

Dagos nang nalilingaw kan mundo!


Tigsik ko si Alfonso, sarong totoy

Wow, kan nakainom nin Fundador

Nanalian, luwas sa patuloy

Hinatolan kan Emperador: dedbol!


Commentaires


bottom of page