Mabolo Bridge widening proj binisita ni Rep Bordado, DPWH

NAG-INSPEKSYON kan Sabado, Agosto 19, 2023 si Representante Gabriel H. Bordado Jr. kan tercer distrito kan Camarines Sur sa nagpapadagos na proyekto sa pagpahiwas kan permanenteng tulay sa Mabolo, Ciudad nin Naga mantang kaibanan

sinda Engr. Christian Nickole Deapues asin Engr. Salvador Marc Botin kan opisina rehiyonal kan Department of Public Works and Highways (DPWH V).

Naglalaoman si Bordado na dapat matapos an proyekyo sa tamang panahon tanganing maagihan na nin mga vehiculos sa maabot na Traslacion procession ki Nuestra Señora de Penafrancia. An proyekto na may titulong “Widening of Permanent Bridges Br. (B02549LZ) Along Maharlika (LZ) sa Ciudad nin Naga.

Kan makaulay an nagkaperang motorista, ipinahayag pasalamat sinda ki Congresista Bordado asin DPWH V na mapalakbang an tulay nganing mayong problema sa trafico asin maabot man lang an festividad ni Ina sa masunod na bulan maaagihan nin motorista.

PERSONAL na pig-inspeksyon ni Representante Gabby Bordado (sa tahaw) kan tercer distrito kan Camarines Sur kaibanan an mga inhinyero kan DPWH V an nagpapadagos na pagpahiwas kan Mabolo Bridge, Ciudad nin Naga. (Rep Bordado FB page)

Mientras tanto, sunod-sunod an mga ginigibong blessing and inauguration kan mga multi-purpose building kan representante kan tercer distrito kan Camarines Sur. Kan nakaaging Agosto 1, ginibo an pagbasbas sa MPB sa Barangay Iquin, Canaman, Camarines Sur. Ogmahon an opisyales de barangay asin residentes kan barangay huli ta puedeng magamit an bagong edificio bilang evacuation center kun igwang calamidad

“Buwis nindo, mabalik saindo,” ini an perming sinasabi kan representante mantang nagtutubod siya na dakula an parte kan namamanuan sa mga proyektong nahahaman kan gobierno.

Kan Agosto 11, 2023 ginibo naman an blessing and inauguration kan bagong MPB asin pig-turnover sa Naga City School of Arts and Trade sa barangay Sabang.

Sinabi ni George Gabriel Bordado VII, staff kan District Office kan congresista an pagpatukdok nin school building saro sa mayor na katuyohan an padagos na pagsuporta ni Cong Bordado sa edukasyon kan mga kaakian sa Ciudad nin Naga.

Kan nakaaging semana ginibo man an kaparejong actividad sa Naga City Central School 2.