MAGAYON AN BUHAY!

Tigsik ko an Buhay mong sinublian

May oras babawion kan Kaglalang

Magin matanos sa aroaldaw

Sa Kaitaasan ika huhusgaran!

Tigsik ko an saimong pangaran

Dae pagdigtaan, pakaingatan

Oras maggibo kan sarong kasalan

Malilingawan gabos mong karahayan!

Tigsik ko an buhay sa kinaban

Madali sana, minaagi lang

Aroaldaw maggibo nin karahayan

Mayo ka na pirming maroromdoman!

Tigsik ko pa an buhay sa kinaban

Regalo hale sa Kagurangnan

Iingatan, parambongon aroaldaw

Mawawalat memoria mong marhay!

Tigsik ko an magayon na Musica

Gurano man katagas an daghan mo pa

Kun ini sa puso mo magtalanhok na

An kalag mo maawit nin alleluia!

Tigsik ko an satong kinaban

Magayagaya sa kada aldaw

Pirming maggibo nin karahayan

Halipot sana po an buhay!