Magdalena sa Plaza

Tigsik ko po ining lada

Arab-adab sa bunganga

Tigsik ko man ining pili

Manatokon, panremate!

Tigsik ko po si San Pedro

May llave kan Paraiso

Tigsik ko ining si Hudas

Nagbitay sa kahoy, tigbak!

Tigsik ko si Pontio Pilato

Naghanaw duman sa gripo

Tigsik ko si Malabanan

Nagkarigos sa imburbal!

Tigsik ko po si Corazon

An aki ramog nin sipon

Tigsik ko man si Caridad

An agom tadtad nin lugad!

Tigsik ko si Angelito

Sa daghan may Santo Cristo

Tigsik ko man si Satanas

Iguang kakugos na halas!

Tigsik ko po an Kaglalang

Naglakaw sa kadagatan

Tigsik ko si Magdalena

Tuminihaya sa plaza!