top of page

Maghapot kita ki Father

Dear Father Bill,


Tano po ta kadakul manlaen laen na bado an Santo Niño? Arin an pinka legit?

Minagalang, Maring


Dear Maring,


An original na Sto. Niño iyo an imagen kan Niño Jesus na nadiskubre kan 1565 sa Cebu. An imagen bistado bilang “Santo Niño de Cebú” na an boot sabihon “Holy Child of Cebu.” Ini an pinakaenot na imagen kan Romano Catolico sa Pilipinas.


Sosog sa kinaugalian, an Sto. Niño nakabado nin saro sa duwang kolor na ini: kadaklan pula an bado kan mga imagen na nasa harong o simbahan, asin an iba nakasulot nin berde (green) na nagsisimbolo nin swerte, orog na sa mga tindahan kan mga negosyante. Alagad an Simbahan nagpahayag na pula an tamang kolor kan imagen, bakong berde. An bado na an kolor yellow ipinapabado man ki Sto. Niño de la Paz na may darang badas para disiplinahon an mga pasaway.


Sa Cebu, an recomendadong bakalon kan mga tawo iyo an Sto. Niño na nakasulot nin pulang bado. May panahon na nagkaigwa nin pahayag an mga padi sa Cebu na an pulang Sto. Niño sana an bebendisyonan. An nakasulot na berde dai pigre-recomendar huli ta an Sto. Niño bako yan pampa-swerte o ginagamit tanganing makakua nin swerte an sarong tawo. An Sto. Niño dela Suerte nagpoon kan panahon nin 1990s.


An kolor pula (red velvet) na sulot kan Sto. Niño iyo man an sulot kan Jesus Nazareno. Sa Christian Art, an pula nagpapahiling kan pagsakit ni Cristo. Kun siring, an mga Sto. Niño na nakabadong berde o ‘yellow’ dapat sanglean nin pula na iyo an pinagsasabi kan Simbahan.


An minagalang, Fr. Bill

* * *

Comments

bottom of page