Maghapot kita ki Father

Dear Father Bill,

Ano pa an ibang interesanteng manunudan ta sa bagong Santo Papa?

Minagalang, Mira

Dear Mira,

Si Robert Francis Prevost, na inaapod ta na ngonyan Papa Leon Ikakag-apat (Pope Leo XIV), namundag sa Chicago, Illinois, U.S.A. kan September 14, 1955. Sesenta y nueve (69) años pa sana siya. Naglaog siya sa Order of Saint Augustine kan 1977 asin nagin padi kan 1982. Nakatapos siya nin doctorate sa sa Canon Law (JCD - Juris Canonici Doctor) gikan sa Pontifical University of Saint Thomas Aquinas (Angelicum) sa Roma.

Kan mga 1980’s asin 1990’s halawig an saiyang paglilingkod bilang misyonero sa Peru. Ginampanan niya an dakul na papel bilang cura parocco, opisyal kan diocesis, formador sa seminario, asin administrador. Napili siya bilang Prior General kan Order of Saint Augustine poon 2001 hanggang 2013. Sa saiyang papel bilang Prior General, pirang beses siyang nakabisita sa Pilipinas.

Kan magbalik siya sa Peru, siya nagin obispo kan Chiclayo poon 2015 hanggang 2023. Kan 2023, itinalaga siya ni Pope Francis bilang prefect kan Dicastery for Bishops asin presidente kan Pontifical Commission for Latin America, asin ginibo siyang cardinal pagsunod na taon.

Bilang cardinal, pigtawan niya nin doon an tema kan “synodality,” “missionary dialogue,” asin “engagement with social and technological challenges.” Pigpahalagahan niya man an mga isyu kan “climate change,” “global migration,” “church governance,” “human rights,” asin ipinahayag niya an saiyang pag-oyon sa mga pagbabago kan Second Vatican Council.

An pangaran nin Papa Leon Ikakag-apat (Pope Leo XIV) hale sa inspirasyon ni Pope Leo XIII na nagpoon kan modernong Catholic social teaching sa tahaw kan ikaduwang Industrial Revolution. Si Papa Leon Ikakag-apat nagtutubod sa padagos na ikaapat na Industrial Revolution, orog na an padagos na pag-adal manonongod sa artificial intelligence asin robotics, na nagtatao nin mga “bagong agyat sa pag-defensa sa dignidad nin tawo, justicia, asin pagtrabaho.”

An minagalang, Fr. Bill

* * *

Email me at: billparisadmu@gmail.com