Maghapot kita ki Father

Dear Father Bill,

Tano ta may dagdag na Letania an pagpamibi kan Santo Rosario? Ano an katuyuhan kaini?

Minagalang, Julia

Dear Julia,

An “Litany of Loreto,” na inaapod man na “Litany of the Blessed Virgin Mary,” kadaklan na beses idinudugtong sa hurihan kan Santo Rosario tanganing mas orog pang matawan nin onra asin mapararom pa an paghagad nin tabang ki Santa Maria. An letania sarong serye nin mga pamibi, pangapodan ki Santa Maria na minimidbid an saiyang mga manlaen-laen na titulo asin mga katangian. Ini paghagad kan saiyang makapangyarihan na pagtabang. An paggamit kan letania sa Santo Rosario sarong pagbabago na hinimo ni Papa Leon Ikakagtolo (Pope Leo XIII) kan huring parte kan ika-19 siglo, alagad ini nagin ordinaryo asin nagustuhan na kabtang kan devocion nin pag-Santo Rosario.

An letania sarong pamibi nin paghagad, boot sabihon ini sarong pamibi nin paghagad nin pagtabang asin intercesion. Ini sarong paagi na mapararom an devocion ki Santa Maria asin hagadon an saiyang mga pamibi sa iba-ibang pangangaipo asin intensyon.

Sa laog kan letania makukua an kadakul na titulo ni Maria, arog baga kan Ina nin Dios, Ina kan Simbahan, Reyna nin mga Angeles, asin dakul pang iba. An mga titulong ini tinatawan nin dóon an nangingibabaw na papel ni Santa Maria sa istorya nin kaligtasan asin an saiyang hararom na relasyon ki Jesus.

Bago pa idinugtong an letania sa Santo Rosario, ini ginagamit sa mga prusisyon, sa paghagad nin tawad sa kasalan asin para maiwasan an mga calamidad. Ini inaprobaran na pwedeng gamiton bilang pampublicong pamibi kan Vatican kan ika-16 na siglo asin idinugtong sa Santo Rosario kan huring kabtang kan ika-19 siglo.

An minagalang, Fr. Bill

* * *

Email me at: billparisadmu@gmail.com