Maghapot kita ki Father

Dear Father Bill,

Arin po an dapat gamiton kun magreet sa sarong padi sa saiyang aniversario sa pagkapadi? Happy Sacerdotal Anniversary, Happy Presbyteral Anniversary, o Happy Ordination Anniversary?

An minagalang, Vicente

Dear Vicente,

Gabos man ini tama na pag-"greet" sa sarong padi na nagse-celebrar kan saiyang aniversario sa pagkapadi. Alagad kadaklan na beses an ginagamit iyo an "Happy Sacerdotal Anniversary."

Ini an mga paliwanag:

1. Happy Sacerdotal Anniversary - Ini an satong nadadangog o nababasa pirmi.

• Sacerdotal = gikan sa Latin sacerdos = "priest"

• Boot sabihon "Priestly Anniversary"

• An mga tataramon na ini ginagamit kan Vatican, CBCP, mga obispo, asin sa mga prayer cards/tarpaulins sa Pilipinas

• Halimbawa: “Congratulations on your 25th Sacerdotal Anniversary, Fr. Abundio!”

2. Happy Presbyteral Anniversary.

Tama man ini kaya lang masyadong teknikal.

• Presbyteral = gikan sa Greek presbyteros = "elder/priest"

• Saro ining termino sa teologiya na ginagamit sa mga documento arog kan Presbyterorum Ordinis - Documento ini kan Vatican II manonongod sa buhay asin ministerio kan mga padi.

• Maiintindihan ini kan mga padi asin seminarista, alagad dakul sa mga seglar an dai nakakaram kun ano an boot sahibon kan “presbyteral..”

• Halimbawa: An “Happy Presbyteral Anniversary” masyadong pormal asin akademik

3. Happy Ordination Anniversary .

Ini an pinaka-malinaw asin diretso sa punto

• Tinatawan nin malinaw na doon an aldaw na inako kan padi an banal na orden

• Pinaka-facil maintindihan kan mga tawo

• Halimbawa:: “Happy 10th Ordination Anniversary, Fr. Jonas!”

An minagalang, Fr. Bill

* * *

Email me at: billparisadmu@gmail.com