top of page

Maghapot kita ki Father

Dear Father,


Ano po an pagkaka-iba saka pagkakapareho kan apostol saka disipulo?

An minagalang, Rosario


Dear Rosario,


An apostol sarong “mensahero” o “sarong tawong ipinapadara.” An disipulo sarong “estuyante” o “nag-aadal.” An apostol mga tawong nakaibahan si Jesus kan siya yaon sa kinaban asin an mga ini inapod nya na magbalangibog kan Marahay na Bareta. An mga disipulos iyo an mga parasunod ni Jesus na idinulot an saindang sadiri na makanood kan saiyang mga katukdoan.


Kun nagtutubod ka ki Jesus  bilang saimong Kagurangnan asin Paratubos ika sarong disipulo. An mga  apostol pinili ni Jesus sa pagbalangibog kan evangelio pakatapos na siya magadan asin mabuhay liwat.


An doceng apostoles iyo an mga harani ki Jesus na mga disipulos nya. Siring man, an mga apostol inapod asin direktang pigtawan nin mandato ni Cristo asin na magpahayag kan saiyang katukdoan gamit an saiyang otoridad.


An magsayuma kan otoridad kan mga apostol (apostolic authority), pagsayuma man kan otorodad ni Cristo na nagpadara sainda. An Biblia iyo sana “apostolic authority” para satuya ngonyan. Sa Bagong Tipan (New Testament), doce an ginibong mga apostol gikan sa mga disipulos na parasunod ni Jesus.


An mga disipulos (mga estudyante) ni Jesus sa panahon kan saiyang ministerio sa kinaban igwang piniling magin mga apostoles (teachers/messengers) pagkatapos kan Pentecostes.


An minagalang, Fr. Bill

* * *

留言

bottom of page