Maghapot kita ki Father

Dear Father,

Ano po an gustong sabihon kan 100 years Canonical Coronation ni Ina na satuyang pigcecelebrar ngonyan na taon?

An minagalang, France

Dear France,

An fiesta an nagtataong onra ki Nuestra Señora de Peñafrancia, an Patrona kan rehiyon Bicol. An saiyang “canonical coronation” tinawan nin awtorisasyon ni Pope Benedict XV. Ini nangyari sa Naga kan Septiembre 20, 1924. An coronacion ni Ina iyo an pinakadakulang pagtiripon kan mga cardinal asin obispo na pinangengenotan kan Apostolic Delegate (representante kan Santo Papa) kaiba an Arzobispo kan Manila, Michael J. O’Doherty, mga monsigñor, siring man mga padi hali sa bilog na Pilipinas. Ini na an pinakadakulang celebracion sa rona nin Bicol.

Ano ta dapat i-celebrar? Tano ta makahulugan? Enot, dapat ipadagos an pagbalangibog o pagpalakop kan devocion ki Ina. Ikaduwa, dapat mapaghorop-horopan an mga gawe na mas orog pang magtatao nin honra ki Nuestra Señora de Peñafrancia. Ikatolo, an kabanalan nin lambang deboto saro sa pinaka-importante sa gabos. An aniversario saro pa sa nagpapakusog kan pagtubod kan deboto. Ikaapat, sa kadakul na milagro ni Ina huli ki Cristo, mas orog pang natatawan nin kaomawan an Dios.

Kun siring kadakul magagayon na kahulugan an pag-celebrar kan ika-100 na aniversario kan pagkorona ki Ina. Dakul an espiritwal na benepisyo nin lambang nagtutubod sa pag-ataman ni Inang Peñafrancia. Siya an magdadara sato sa Dios, an tunay katapusan nyato gabos.

An minagalang, Fr. Bill

* * *

Email me at: billparisadmu@gmail.com