Maghapot kita ki Father

Dear Father Bill,

May mga Katoliko na mga miembro man kan Masonry organization. Tinutogot daw po ini kan satuyang simbahan?

An minagalang, Totoy

Dear Totoy ,

Dawa igwa nin salang pagkakaintindi sa pagigin miembro kan Masonry poon kan 1962–1965 Second Vatican Council (Vatican II), an Simbahan padagos na ipinagbabawal an pag-ayon sa Freemasonry huli ta an mga prinsipyo asin ritwal ninda dai pwedeng magin oyon sa doktrina kan Catolicong simbahan.

An Freemasonry dai magkatugma sa pagtubod kan mga Cristiano. An Freemasonry nagtutukdo nin “naturalistic religion” na nagtutubod sa “indifferentism” (mayong pakiaram) na an posisyon kan sarong tawo pero pwede siyang ikaogma nin Dios dawa dai siya kaayon sa ano man na relihiyon.

Dai man binibisto an Masonry na mayong pagtubod sa Dios. Ano palan an pigtutubodan kan mga Masons? An Freemasonry igwa sinda nin religiosong karakter, dawa dai ini nasusunod sa ano man na katukdoan. Para magin Freemason, an aplikanteng adultong lalaki dapat nagtutubod sa “supreme being” asin sa mayong katapusan na buhay kan kalag.

Sa ngonyan na panahon dakul nag-aayon sa Freemasonry bako man huli ta habo ninda sa Catolicong simbahan kundi ini nagpapahiwas kan saindang koneksyon sa sociedad. An mga Mason kadakul ceremonia pero dakul man dyan sa pagtabang sa mga nangangaipo, magbago an sadiri, asin mabuhay nin maray tanganing magiromdoman sa mga tamang rason.

Pero sa gabos na oras asin panahon, dai ta pilion an Freemasonry huli ta habo ta an mga katukdoan kan Simbahan. Mas maray dai na kita mag-ayon digdi. Ano ta makua kan nin grupo na dai makakapagpapalubo kan saimong relasyon ki Jesus.

An minagalang, Fr. Bill

* * *

Email me at: billparisadmu@gmail.com