Maglikay sa nauusong helang kun panahon nin tag-uran

An Committee on Health sa Sangguniang Panlungsod kan Ciudad nin Naga liwat nagpagirumdum sa mga residentes kan ciudad na dapat maging malikay sa mga helang na nauuso kun panahon nin tag-uran.

Si Consejal Dr. Sonny Rañola, pamayo kan sinambit na komite nagpahayag particular na helang iyo an inaapod na ‘‘influenza like diseases’’.

An madaling tamaan kan helang iyo an mga aki o menor de edad, nagbabados kabali na si mga tawo na maluya an immune system, sabi pa ni Rañola.

Nagkapera nang mga pasyente an pigdadara sa mga klinik kan doktor mantang an iba sa hospital.

Nagpopoon an helang na kaipuhan maingatan siring kan tinatamaan nin trangkaso na halangkaw an kalintura, sinisipon an mga aki, pagkulog payo sagcod na hinihika.

An regular na paghugas nin kamot dawa mga bakunado asin dapat maging limitado an pakikipag-hampangan sa mga may dati nang helang nganing dai maulakitan.

Pigpagirumdum pa ni Consejal Rañola na yaon an City Health Office sagcod an Naga City Hospital kun kinakaipuhan magpa-kunsulta na puedeng matabangan nin bulong siring kan paracetamol.

Makakatabang digdi na daing gayo marugado an pasyente iyo si mga bakunado laban sa coronavirus disease.

Alagad dai man na-ngangahulogan kun bakunado dai tatamaan kan sinambit na helang. Saro sa dapat likayan dai magpa-uran. (dpa)