MAHALNAS GARONG TALUSOG!

Tigsik ko ining ginatos na multo

Gabos peke, anas palsipikado

Gamit kan Bossing sa palokoloko

Parakulimbat kan milyones na fundo!

Tigsik ko an Among na super bobo

Mapeke na lang nin pangaran kan tawo

Mayo pang kaapelyedo sa mundo

Palpak! Mayo sa tamang hulog an payo!

Tigsik ko an agilang mabagsik

Mahiligon sa kawat na hide and seek

Kun naiipit grabe lang an paepek

Sige an kakak, toda an ek-ek!

Tigsik ko an mga Trolliling

Sa Pasko dae na tabi magcarolling

Sa payroll kamo magwaiting-waiting

Paldo an TF nindo hale ki Tililing!

Tigsik ko an campo kan parehong sablok sa pirak

Sigeng alimpasay, atat na atat

Wait lang, kamo po maghalathalat

Pasiring pa sana kita sa exciting part!

Tigsik ko man si Mary Grace Piattos

Grabeng halnas garo nang talusog

Hoy! Dae ka nanggad magpadakop

Ta dila mo lang an mayong labod!