MALAGTOK AN PAG-ALAMAAM

Tigsik ko an mag-BFF na duwa

Tatay saka Tobats an ngaran ninda

Pareho na pong excited sinda

Magiging magkakosa na, awot pa!

Tigsik ko  an atapang na Kalbo

Manangmana sa Tatay na idolo

Saginsagin sarong maisog na tawo

Alagad takot sa sadiring anino!

Tigsik ko pa an mga mag-BFF

Garong Es Na’ Ko an nasa isip

Alagad biyo nang nagtatarakig

Madali nang darahon sa The Hague?!.

Tigsik ko man si Lola Retoke

Magpoon kan igua nang kakampi

Sus, dagos nang naraot an diskarte

Mayo nang direksyon an kukute!

Tigsik ko kamong mga parabulang

An galawan dapat hinayhinay lang

Kun mabuking kan Hadi kan Sugal

Butod kamo sa irarom kan kadagatan!

An saindong Badiday tigsik ko man

An lusbot garong may siling maharang

Daeng ontok an biyahe sigeng alimpasay

Sobrang dakdak, malagtok an pag-alamaam!