Malasadong Kukote

Tigsik ko si Principal Suspect

Modelo kuno kan mga estudiantes

Pasimple-simple, pangiritngirit

Omok-omok kan school resources!

Si Major Problem tigsik ko man

Igua kutang utak pero sayang lang

Sa puwesto mayong gibong marhay

Nagin sunodsunodan na bag-man!

Tigsik ko pa man si General Average

An performance bakong kanaisnais

Gabos na target pirming mintis

An priority an magin super rich!

Tigsik ko si Cong Grease Man

Pagkabig nin pirak an nanodan

Sablok sa pahalnas na yaman

Buaya! Mayo nang kabasogan!

Tigsik ko ining si Sen. Bigotilyo

Palibhasa milyones an nag-iidolo

Sa bobotantes siya numero uno

Kiko-kiko duman sa Senado!

Tigsik ko po si Inday Bise

Wow, malasado an kukote

Sa oficina mayong transparency

Paglustay mayong accountability!