Mandato sa ACOP kan SSS mayong pagbabago, sabi

Mayong pagbabago sa mandato kan Social Security System (SSS) sa Annual Confirmation of Pensioners (ACOP) na dapat magparehistro giraray cada taon kun naglaog na poon sa edad na 80 anyos pataas.

Ini an piglinaw kan sarong opisyal kan SSS sa Camarines Sur bako sa sanga kan opisina kaini sa Ciudad nin Naga sa tahaw kan nagluwas na impormasyon sa social media na igua nang bagong reglamento sa ACOP an ahencia na bako nang 80 anyos envez kabale na si gabos na senior citizens.

Alagad sinabi pa na si mga pensionado na yaon sa abroad pigmamando dawa dai pa nagsakat sa edad na 80 anyos obligado na magsunod sa ACOP.

An programa kan ACOP para sa mga miembros kan SSS nganing maseguro na regular an saiyang pagrecibe kan bulan-bulan na pension base sa Acta Republica 11199 o mas midmid sa Social Security Act of 2018.

Kabale sa mandato digdi si retirement pensioners na nag-eerok sa Pilipinas na nag-eedad nin 80 anyos pataas poon kan Marso 2024, asin si mga nag-eestar sa abroad, kabale si total disability pensioners asin dependent children.

Mientras tanto efectivo na sa Sepiembre ngonian na taon an ‘‘gradual increase’’ na pension sa lindong kan Pension Reform Program.

Sinabi pa kan SSS an Retirement asin Disability Pensioners marecibe kan 10 por cientong dugang na pension, mientras na si Death survivor Pensioners marecibe nin cinco por ciento kan saindang bulanan na pension.

An dugang sa pension sa kaparejong por ciento efectivo sagcod sa taon Septiembre 2026 asin Septiembre 2027.