Maserbing EBM sa BSKEpig-andaman na kan Comelec

Naghagad na nin listahan nin mga pangaran kan mga paratukdo sa Department of Education (DepEd) an mga Election Officers na maserbe bilang Electoral Board Members (EBM) sa nakatalaan na Barangay Sangguniang Kabataan Barangay Elections (BSKE) sa Noviembre 2, 2026.

Sa Ciudad nin Naga, sinabi ni Atty. Maico Julia Jr., igua nang mga escuelahan an nagsumiter kan saindang mga pangaran na interesado na magserbe sa maabot na BSKE, mantang sa ibang mga municipalidades nagkumfirmar na narecibe ninda an listahan.

Amay naghagad sinda nin listahan komo pag-andam sa maabot na pirilian alagad mas pabor sinda sa mga paratukdo na kun sain sinda nagtukdong escuelahan digdi na dapat madestino nganing aram an lugar asin dai na maabala sa viaje.

Sinda maagi pa sa ipapaapod na seminar kan Comelec nganing maaraman na ninda an mga bagong gigihon kumpara sa eleksyon lokal asin nasyonal.

An kahapotan kan mga paratukdo kun gurano na an saindang marerecibing allowance alagad an paliwanag kan Election Officer naghahalat sana sinda sa ipapaluwas na orden kan opisina sentral. Kan nakaaging eleksyon lokal asin nasyonal cantidad P11,000 hasta P12,000.

Mientras tanto, nagpatanid an Comelec na prohibido pa an amay na pagcampanya kan cierto nang macandidato.

An campaign period masikad sa Oktubre 22 hasta 31, mantang an eleksyon sa Noviembre 2 poon alas 7:00 nin aga hasta alas 3:00 nin hapon.