MAURAGONONON!

Tigsik ko an Mayon sa probinsyang Albay 

Dati an plano ini pakudalan

Santayan! Sa magulang na kaisipan

Seguradong gigibohon gatasan!

Tigsik ko man duman sa Cam Nortte

Ayos an Boss kun minadiskarte

Nasida tulos an tulay aw num, anyare?

An kaban kan gobyerno, remate!

Tigsik ko man daw po digdi sa Cam Sur

Si Solomon nagin 15 - 30 sa Capitol

Ultimong an barabas ruminogon

Kawasa an Among sobrang gipradon!

Tigsik ko an Catandonganon kong amigo

Minaparibod kada Domingo

Asintado! Garong si Leon Guerrero!

Yes, yes, yo! 1-2-3, kayayo!

Tigsik ko an Masbate na iguang rodeo

Dinayo ni Don Ambrosio na sarong ranchero

Linapag kan sarong maisog na toro

Nawawaan kan ralabot na kalsonsilyo! 

Tigsik ko an sakong lalong sa Sorsogon

Tinakrasan paplongon, nakanood magpantalon

Halaba an tuka, mararahon

Kun magsyapol mauragononon!