May Artista Sa Lagonoy

Mga kadaragahan asin mga Jovenes sa banwaan nin Lagonoy sa Partido, sararo sana an kurahaw, ini mayong iba kundi si Dyego Luis Pilapil, joven asin guapong Soltero. Mayong pinag iba sa sarong Matinee Idol, o sikat na artista an tindog ni Dyego Luis Pilapil, alagad ini dai man intersadong mag artista kundi, an mawot niyang gibohon iyo na tabangan an saiyang mga kahimanwa sa Lagonoy pasiring sa marhay asin maogmang buhay, kaya nag plantiar siya nin pagka Alkalde kan Lagonoy. Si Dyego Luis Pilapil, gikan sa mga respetadong familya na Pilapil na bistado sa interong Partido Area. Ako na sarong propiong Naguenio, pinag memerar ko an Lagonoy na ika duwa kong banwaan ta yaon digdi an sakuyang mga amigo asin kaibahan sa radyo, asin saro diyan an depuntong si Rodel Enon na tugang na matua ni Station Manager Ron Enon kan San Ramon. Kan ako yaon sa UNC College an mga best friends ko sa UNC iyo an magagayon kong kaklase na sinda Cynthia Perez, Susan Rosero asin kadakol pang iba. Sa sakuyang pag atubang sa sarong imbistasyon kan grupong Lagonoy Stargazers Group, asosasyon nin mga kadaragahan asin kasolterhan na iguang rinibong miembros, haros gabos sinda nagsasabi na namundag na daa an lalaki na lalong mapa asenso kan pagbuhay sa Lagonoy, asin an saindang kurahaw iyo an pangaran ni Dyego Luis Pilapil. An Lagonoy iguang kadakol na bilang nin botanteng Jovenes na mayong ibang pig sasambit iyo si Dyego Luis Pilapil. Sa pag pasyar ko sa mga barangay an Lagonoy sa imbitasyon kan sakuyang mga amigo, an mga kamagurangan nag ooropak kapag nadadangog an pangaran ni Dyego ta sinda nagtutubod na gigibohon ni Dyego an gabos tanganing lalo pang mag asenso an Lagonoy asin iyo an maging pinaka mayaman na banwaan sa Partido. Ultimong and mga drivers asin mga paratienda sa saodan kan Lagonoy, nagtutubod sa popularidad ni Dyego ta ini mabooton na Soltero, asin mapinadangat sa mga kamagurangan. Pinasyaran kan samuyang grupo an mga paragibo asin paratienda kan masiram na binanban asin puto tabla ta iyo ini an Famoso sa Lagonoy, asin duman ko naaraman na binibistong artista sa Lagonoy si Dyego ta ini daa kahawig ni Piolo Pascual kaya kadakol nin fans. Nagtutubod an mga taga Lagonoy na dadarahon ni Dyego an saindang banwaan pasiring sa pagiging tunay na maogmang istaran, tunay na maayahay asin masaganang istaran, asin banwaan na gulpi an hanapbuhay asin trabaho ta gigibohon na toltol an padalagan kan gobyerno na mayong korapsyon asin pag aabuso. Sabi kan mga Lola asin Lolo, bako sana daang guapo asin macho si Dyego Luis Pilapil kundi ini sarong Modelo nin toltol na aki nin Partido.
コメント