Medical assistance kan Ako Bicol yaon na sa mga pribadong ospital

Mas pinahiwas kan Ako Bicol Party-List (AKB) an medical assistance program envez bako lang sa pampublicong ospital, piglansar na an Medical Assistance to Indigent Patients (MAIP) sa mga pribadong ospital sa anom na provincia kan Kabikolan.


An duwang representante kan AKB sinda, Congresista Elizaldy S. Co asin Congresista Raul Angelo D. Bongalon nagpahayag na dakul na mga Bicolano an matatabangan ninda sa programa sa salud katuwang an Department of Health sa Bicol.


Sinabi na dakul na mga ‘‘indigent patients’’ an napipiritan na darahon an saindang pasyente sa pribadong hospital na kaipuhan an asistencia finansyal sa paagi kan MAIP. Huli kaini, saindang naisipan an MAIP nganing makatabang sa mga Bicolano bako nalang si mga nako-confined sa government hospital alagad kabali na sa programa an pribadong hospital.


Sinabi pa kan duwang lihislador an mga rekisitos nganing makaaprubetsar kan medical assistance iyo an mga minasunod, 1. Medical abstract; 2. Updated o latest hospital bill, 3. ID ng patient’s representative (immediate family member) 4. Brgy. Certificate of residency o Indigency ng Representative.


Sa Laboratory Request, kinababalihan kan Medical /Abstract, laboratory request, charge of slip of request services, ID ng patient/representative asin brgy. Certificate of residency/ indigency.


An anom na provincia sa Bicol asin sa ciudades igwang mga opisina kan Ako Bicol Party-List na digdi maheheling an listahan kan mga pribadong hospital. (DPAureus)