MEOW, MEOW, MEOW!

Tigsik ko an ining satong Congreso

Aw hadaw baga ta maconsuelo?

An pinakalatest iyo po iniho -

May nakadagdag  na naman raot an payo!

Tigsik ko pa an satong Congreso

Completos recados an mga miembro

Kiko-kiko, Magda, raot an payo

May Barbie, tagulipdan, bobo!

An higanteng congressman tigsik ko man

Aw sa puwesto biglang tuminagbang

An sunod na ganap satong antabayanan

Tibaad sa ibang nacion magdulag, sirammm!

Tigsik ko an imbestigasyon sa Senado

Anas sana man consuelo de bobo

Saginsagin, gabos lang paguwapo

Siram sana, SAFE basta kaalyado!

Tigsik ko an buaya kan Kabikolan

Bilyones an kinulimbat, mayong kabasogan 

Gabos na alipores yuminaman

Naglupad sa ibang nacion, lintian!

Tigsik ko an may saltik na congressman

Biglang naglataw, grabeng kauragan

Wala-too an radas, sigeng ngawngaw

Nagwawagak an laway, meow, meow, meow!