Mga ahencias de gobierno buelta na sa 5 aldaw na trabaho

Buelta na sa limang aldaw na trabaho cada semana an mga opisyal asin empleados kan gobierno matapos gibohon nin apat na aldaw huli kan krisis sa produkto nin petrolio.

Kinumfirmar kan Civil Service Commission na padagos na an saindang normal na transaksyon na kinababalihan kan Department of Public Works and Highways, Department of Agriculture, Bureau of Fisheries and Aquatic Resources, National Irrigation Administration maging mga lokal na gobierno asin iba pang ahencias.

Sa mga LGUs an mga jefe ejecutivo iyo an nagpaluwas kan saindang directiva sa pagbuelta sa limang aldaw na trabaho cada semana.

An ibang may mga transaksyon sa gobierno dai uyon kan naging desisyon na gibohon nin apat na aldaw an trabaho cada semana huli ta si may mga transaksyon sa huring aldaw kan semana napependiente envez na dapat matapos nin amay alagad sa lado kan gobierno an saindang aksyon nganing makatipid huli sa krisis sa produkto nin petrolio.

Apectado sa krisis iyo si mga proyekto sa infrastractura kan DPWH, DA, LGUs asin iba pang mga ahencias.

An isyu sa krisis sa petrolio kasunod kan nangyaring giyera sa Middle East alagad sa ngunian liwat naman nabubuhay an bakbakan na posibleng maapektohan an presyo sa petrolio.

Maging an sektor nin transporte apectado mala ngani si iba nagpundo ngona kan saindang pagkayod alagad nagbuelta kan nagbabalik sa paghuros si presyo kan produkto.