Mga elihidong alcalde sa CSur kaalyado kan mga Villafuerte

Mayoria kan mga elehidong alcalde sa Camarines Sur sa nagtapos na eleksyon nasyonal asin lokal kan Mayo 9, 2022 kaalyado kan mga mag-aramang Villafuerte sa partido kan PDP-Laban contra sa nadaog na candidatong gobernador, Abogado Rolando ‘‘Nonoy’’ Andaya kan NPC-Anduyog party.


An mag-aramang 2nd district Congressman LRay Villafuerte, elihidong 5th district Congressman Gob. Migz Villafuerte asin tugang kaining elihidong gobernador Luigi gabos kan kaparejong partido political.


Sa 34 mga banwaan kabale an Ciudad nin Iriga 19 elhidong alcalde kaalyado kan mga Villafuerte mantang 15 elihidong alcalde kan NPC-Anduyog Party kaalyado ni Andaya alagad kadakle hale sa ika-apat na distrito kan Camarines Sur 4th district Congressman Arnie Fuentebella.


An mga ganador na alcalde sa PDP-Laban sinda: Nena Bagasbas kan Balatan; Rey Lacoste kan Buhi; Amelita Ibasco kan Bula; Eugene Severo kan Calabanga; Diano Ibardaloza kan Camaligan; Nelson Legaspi kan Canaman; Rex Oliva kan Ciudad nin Iriga; Melanie Abarientos kan Del Gallego; Leonardo Agor kan Gainza; Leda San Luis kan Garchitorena; Jess Camara kan Libmanan; Chris Lizardo kan Minalabac; Fernando Simbulan kan Nabua; Dennis Imperial kan Pamplona; Jojo Bengua kan Pasacao; Fermin Mabulo kan San Fernando; Tomas Bocago kan Sipocot; asin Ruel Tuy kan Tinambac.


An mga ganador na alcalde kan NPC-Anduyog Party sinda: Karen Polinga kan Siruma; Chiqui Fuentebella kan Tigaon; Jerold Peña kan San Jose; Jovi Fuentebella kan Sañgay; Thaddy Ramos kan Ragay; Alicia Delena kan Presentacion; Tomas Bongalonta kan Pili; Allan Go kan Ocampo; Marylin Co kan Caramoan; Marcel Pan kan Goa; JB Pilapil kan Lagonoy; Lilian Matamorosa kan Lupi; Yepyep Señar kan Magarao; Anthony Reyes kan Milaor; asin Bembot Angeles kan Bombon.


Sa eleksyon sa League of Municipal Mayors League cierto nang hale sa PDP-Laban an manggagana maging sa Provincial Councilors League (PCL) na an mapipiling presidente matukaw komo ex-officio member sa junta provincial. (dpa)