Mga pasaway dai nakapalag sa mahibog na kapupulisan

Dai nakapalag an mga snatcher saka parahabon sa panahon kan Peñafrancia festival sa Ciudad nin Naga sa tahaw kan mahibog na kapupulisan orog na sa ginibong ika-sangatos na anibersaryo kan pagka-korona canonica ki Nstra. De Peñafrancia asin Fluvial procession.

Nagkaigua sanang duwang casong snatching, sarong insidente nin panhahabon asin duwang casong physical injuries na nangyari kan Septiembre 20 asin 21.

Naging higot si seguridad kan Naga City Police Office sa pamamayo ni City Director Col. Erwin Rebellion sa suporta kan abot sa 3,300 na augmentation force kan Bicol PNP igua pang dugang na elementos kan 9th Infantry Division, Philippine Coast Guard, Bureau of Fire Protection asin Public Safety Office Office.

Cada kasiribotan sa kapiestahan ni Ina halangkaw an casong snatching, robbery maging physical injuries asin iba pa alagad consideradong nagbaba si caso, segun sa NCPO.

Bako sanang nakatututok sa actividades envez maging sa kasentrohan kan ciudad lalo na sa commercial area asin mga simbahan maging terminal na ribo-ribo an nang-aarabotan na debotos.

Naging vihilante si mga kapupulisan sa crime prevention, pagpatrolya asin seguridad sa mga bisita.

Huli kan matutuninong na paz y orden nagpasalamat an simbahan sa mga awtoridad asin iba pang grupo na naging katuwang kan simbahan sa mga ginibong religious activities.