MISYON KAN BAGONG RD KAN PRO 5: ‘Serbisyong mabilis’ sa mga Bicolano

‘’Serbisyong mabilis’’ sa namamanuan na Bicolano, ini an pigpuntohan kan bagong Bicol PNP Regional Director BGen Randy Glenn G. Silvio kan siya mag-asumir sa pwesto kan Agosto 27, 2026 sa ginibong turn over of command ni dating RD BGen Erosito Miranda, na nagretiro na sa serbisyo.

Saiya pang sinabi na an pagpadaggos sa pagpakusog kan campanya sa paz y orden asin an paglaban sa ilegal na droga kabale sa saiyang prioridad.

Sa saiyang liderato sinabi kaini na an ‘’Serbisyong mabilis, tapat at nararamdaman’’ sa namamanuan na dapat niyang protehiran asin serbihan.

Siya iyo an ika-45 regional director kan PRO 5 sa ginibong pag-asumir kaini na presente sa seremonya si Deputy Chief, PNP for Operations Lt.Gen Wilson Joseph Lopez sa PRO Grand Stand, Camp BGen Simeon Ola, Ciudad nin Legazpi.

An bagong jefe kan Bicol PNP, miembro kan PNPA ‘’Kapanalig’’ Class kan 1997. Nagtapos siya bilang Bachelor of Science in Electrical Engineering sa Far Eastern University antes naglaog sa PNPA sagcod naging opisyal kan PNP.

Napag-araman na 29 anyos na siya sa serbisyo sa PNP asin nadestino sa manlaen-laen na rehiyon sagcod nag-onse anyos sa setbisyo sa Criminal Investigation and Detection Group.

Dati na siyang nagserbe sa Rehiyon Bicol na nagserbi komo pamayo kan CIDG sa rehiyon. Antes nadestino digdi sa rehiyon hale na siya sa Quezon City Police District, National Capital Region, na naglansar nin mga programa asin bagong initiativo para sa saiyang ‘’Serbisyong Mabilis, Tapat at Nararamdaman’’.