Modernisasyon sa agricultura mapauswag sa food production

Nagtutubod si City Agriculturist Consultant asin dating Consejal Julian Lavadia Jr. kan Ciudad nin Naga sa bagong programa kan Department of Agriculture Secretary Francisco Tiu Laurel Jr. para sa modernisasyon kan agricultura sa Pilipinas sa paagi nin pagkunducir nin mga consultasyon tanganing mas mapauswag an produksyon, magkaigua nin food security asin mapaangat an pagbuhay kan paraoma asin parasira.

Si Lavadia anchorman kan programa sa radyo ‘‘Asenso Agrikultura’’ padagos niyang pigtutulod an mga programa asin advocacia kun panong mapapauswag an ngaran na agricultura kabale na digdi an organic farming.

Saiyang sinabi na sa ginibong forum na pinangenotan kan ‘‘influential Makati Business Club Inc. dai palang nahahaloy, an DA secretary nagsabi na mahalaga an pagtarabangan kan gobierno asin pribadong sektor nganing maging epektivo an mikanismo kan manlaen-laen na sektores sa agricultura sa pag-implementar kan programa sa pagtatanom, proceso. na mapaangat sa pag-oma gamit an bagong teknolohiya sagcod na maghaman nin estratihiya sa pag-atubang sa climate change asin iba angat nganing mapaasenso an sektor paraoma.

‘‘This summit is a timely and essential platform for dialogue between government and the private sector. It is an opportunity to exchange ideas, forge parentships, and development strategies that will ensure food security in the country,’’ sabi kan DA secretary.

Sinabi pa ni Lavadia an participasyon nin sektores na magforma nin consultative councils para sa monthly meeting makakatabang sa direksyon kan programa sagcod na magluwas an bagong mga ideya kan gobierno asin pribadong sektor.

Kabale sa programa an paghaman nin programa sa infrastraktura nganing mas maging epektivo. Sa paagi kan bagong programang ini mapapalangkaw an produksyon sundo sa pag-asenso kan paraoma asin halangkaw na produksyon, sabi kan City Agriculture Consultant.