MORO-MORO

Tigsik ko ining si Alan 10K

An snap election pigpupursigi

Saro na naman pambobola sa botante

An aram anas sana papogi!

Tigsik ko pa man si Senador Ping

Ano ta sa BRC nag tumbling

Na-stress sa Senador na eng-eng

O takot an mga kaalyado mabuking?

Tigsik ko si Senador Supremo

Huli sa decision na panlagarto

Napornada si Senador Diez Mil kuno

Dae naratdag si El Presidente sa Senado!

Tigsik ko an mga Senador na toso

Para tahuban an palokoloko

Ipipirit an pagkambyo sa Senado

Hoy! An saindong maniubra risado!

An maabot na Nobyembre 30 tigsik ko man

Liwat na matiripon an banwaan

Ikukuraw an anggot sa mahabas sa kaban

Kasohan! Ipalapa sa prisohan!

Tigsik ko an nangyayari sa nacion ngonian

An mga ganid nagraralaban

Moro-moro? O katotoohan?

An makaherak an kasaraditan!