MPS Ocampo naglansar nin kampanya vs sa krimidalidad

Kasunod kan nangyaring pangaabuso sa duwang paratukdo sa public school sa Ocampo, Camarines Sur pigponan kan Municipal Police Station kan premirong semana kan Septiembre 2022 an kampanya kontra sa mga pangaabuso sa menor de edad asin kababaehan.

An MPS sa paagi kan saindang OIC Chief of Police P/Maj Ryan Bagalacsa, an saindang mga policewoman officer nagdistitribuer kan IEC Materials mapadapit sa saindang kampanya sa Violence Against Women and Children, Sexual Exploitation asin iba pang forma nin pang-aabuso asin Crime Prevention and Safety Tips.

An kampanya kan MPS Ocampo, pigponan sa centro kan banwaan asin sa iba pang mga barangay nganing malabanan asin maibitaran an mga pang-aabuso sa sinambit na sektor.

Alagad piglinaw kan MPS dawa mayong nangyaring krimen kontra sa duwang paratukdo magpapadagos an saindang advocacia sa crime prevention and safety tips.

Suportado kan lokal na gobierno asin kan simbahan an saindang advocacia bilang prevention sa ano man na klasing kriminalidad sa mga barangay.

An nangyaring makangirat na krimen sa sarong public school kan Agosto 8, 2022 sa banwaan na ini sagcod sa ngunian dai pa natatalikop kan mga awtoridad an suspechado.

Si OIC Chief of Police Bagalacsa sa saindang inbestigasyon an suspechado nginaranan na si Enrique Algaba y Rivera kan barangay Turaque, Sagñay, Camarines Sur na nag-aatubang pang casong rape sa corte sa banwaan na ini.

Sinda 3rd district Congressman Gabby Bordado asin 4th district Congressman nagambag na nin tig-a P50k o total na P100k bilang pabuya sa makakatukdo asin makakadakop sa suspechado.