Naga Las Vegas Kan Bicol

Si Senior Dax Plopinio, propiong residente kan Capital Town Pili, asin Pariente kan mga Familia Velarde na saro sa mga inot na Alkalde kan Pili, alagad haros 100% ang pagiging Naguenio kan saiyang puso, ta haros aram niya ang mga dalagan nin buhay sa laog kan Naga. Si Dax Plopinio nag escuela sa Naga Parochial School asin sa Ateneo de Naga asin digdi sa Naga City nag trabaho partikularment ang dating mayaman na Foster Parents Plan, Inc. Si Dax iyo ang ehemplo nin solterong naguenio na haros pag subang asin pagsulnop kan aldao yaon siya sa mga importanteng tindahan, restaurant o inom inoman sa Naga kung kaya pirme niyang kahalubelo ang mga bistadong tawo sa Naga City. Sigun ki Mr.Plopinio, ang Naga City kaya inapod na Heart of Bicol, ta ang Naga iyo an pinaka mayaman na lugar sa Bicol, digdi inot na nag usbong ang mga darakulang Colleges asin Universities arog kan University of Nueva Caceres, Colegio de Sta. Isabel asin ang Ateneo de Naga. An mga aki asin makuapo kan mga gobernador sa Masbate, sorsgogon, albay, camarines norte, Legazpi City asin Iriga City, digdi nag aarkila nin magayon na harong ta digdi sinda nag eerrescuela. Iyo ini an saro dahilan kun kaya kadakol nin tawo ang Naga City na halo-halong dugo nin bikol an mga abitantes. Sinabi ni Dax Plopinio na kung buruhay kutana ang satuyang mga lolo, sinda makakapag istorya kung gurano kan siram kan buhay sa Naga, ta ang mga kotseng naglalayaw layaw sa centro iyo ang mga kotseng gibo sa America arog kan Chevrolet, Ford asin Berlina, sunod naman na nagsikat sa Naga. Inapod ining Las Vegas of Bicol ta yaon digdi ang karangyaan kung Bangui, yaon diyan ang malipot asin malinig na mga beer houses na iguang matitibay na folk singers, iguang mga magagayon na babaing nagkakanta sa piano. Iguang mga nakatagong casino na ang uso kaidto iyo ang black jack asin lucky 9. Ang mga de kotse , ganadong magkawat nin bowling asin an dai malingawan iyo ang mga night club na iguang mga baylarena na mayong bra asin panty kung kaya dinadayo ang naga kan mga makwartang bikolano. Inot na night club sa naga oup an La Leonora Sympatica na yaon sa kalye igualdad. An pagiging aktibo kan naga kun Bangui interong nag buingkaras kan dekada 60 sagkod 70. Kaidtong mga taon 66 nauso ang floating motel, ini bakong restaurant kundi sarong lants ana may lanob asin atop ta sa laog kaini iguang mga babae na lamo-lamo nin make up ang lalawgon asin nag aalok nin halipot na kaogmahan sa mga aki ni Adan.