NASA ANGOG AN YAGBOLS!
- Bicolmail Web Admin
- 3 days ago
- 1 min read
Tigsik ko si Badiday saka si Mangga
Magpoon kan sinda nagsanib fuerza
Dae nang ontok an mga patutsada
Paulit-ulit, garo nang raot na plaka!
Tigsik ko an mag-BFF na duwa
Boy Sili, Boy Dila an pangaran ninda
Maurag palan sa dramarama
Pareho nang pigsusuka kan banwa!
Tigsik ko an kadaklan kan mga senador ta
An gibo bako man sa interes kan banwa
Kundi para sa sadiring politica
Dae aram raot na an saindang kamada!
Tigsik ko si Senador No Colekta
Pagkampanya nagbutas nin promise
Dapit sa electric bill, siram sana
Arrange your life, kukuryentehon ka kan banwa!
An pamayo kan Senado tigsik ko
An gibo anas sana man paguwapo
An kiray pinalaagan nin adorno
Pigtataram suhay sa kalag, tonto!
Tigsik ko an mga senador ta
Mga matanos bihirang bihira
An mga lalaki mapapakuspa ka
Pweee, an saindang yagbols nasa angog na!
Comments