Nawawarang parasira nakua nang bangkay

Caramoan, Camarines Sur --- Duwang aldaw matapos mawara an sarong parasira kan malunod an saindang gamit na baroto sa dagat kan Sitio Lipata, Barangay Gogon sa banwaan na ini kan Enero 3, 2026 na may tolong kaibanan lunad hale sa San Andres, Catanduanes, alagad nakua nang mayo nang buhay alas 12:30 nin udto kan Lunes, Enero 5.

Ini an kumfirmasyon kan Municipal Police Station kan Caramoan alagad dai naman nginaranan an biktima. Naheling an sinambit na biktimang residente na na nag-atung-atung an saiyang baroto sa dagat. Sa imbestigasyon kan MPS na dakulang posibilidad an pagkalunod an dahilan kan insidente.

Pigtutubodan na maalon si kadagatan sa Partido area mala ngani perang aldaw na si padagos na pagbulos nin uran epekto kan perang aldaw nang shearline.

Nagkaperang mga barangay sa Caramoan, Tinambac, Lagonoy, Presentacion, Goa asin Garchitorena an apektado nin tubig baha huli kan mga pag-uran. Iguang mga tinampo na na-apektaran si bulos sa trafico huli sa landslide.

HULI KAN EPEKTO KAN SHEARLINE

Apektado si mga viaje pasiring sa mga banwaan kan Presentacion, Caramoan, Garchitorena huli kan flash flood sa Sitio Umalo, Lagonoy kan Lunes na maghapon.

Segun sa report kan Presentacion MDRRMO, an padagos na mga pag-uran huli kan shearline iyo an mayor na dahilan kan mga pagbaha.

Pinatanidan an mga motorista maghanap nin ibang ruta nganing dai maparalisar an saindang pag-viaje.

Nakuang bankay nin parasira sa kadagatan kan Caramoan pigtatarabangan nin mga residentes nganing ipuli sa saindang barangay. (Caramoan MPS)