NCPO nagdestino nin mga pulis sa mga university belt

Mantenido kan Naga City Police Office (NCPO), an dugang na miembros kan PNP sa mga university belt poon sa burokasan nin klase kan Hunyo 8, 2026 nganing mamantenir an seguridad kan mga estudiantes asin publico.

Si P/Major Arkhemedes Garcia, jefe kan Traffic Enforcerment Unit kan NCPO nagsabi na saro ini sa saindang pig-andaman mantang ribo-ribo an mga estudiantes asin paratukdo an nagpapasiring sa mga escuelas publica.

An NCPO iguang 40 traffic police officer nganing magmantanir sa bulos nin trafico na kabale sa may destino iyo an gabos na intersection.

Naging matuninong si enot na aldaw asta sa ngunian an ralaogan sa mga escuelahan. An Department of Education nagsabi na si mga escuelas publica iyo an enot na nagpa-klase poon kan Hunyo 8 para sa school year 2026-27.

Alagad segun pa sa DepEd Bicol, tinutogotan pa an naghahabol sa enrollment na mga estudiantes.

An PNP nagsabi na saindang pig-andaman an public safety preparation sa irarom kan ‘‘Oplan Balik-Eskwela’’ para maseguro an seguridad sa burokasan nin klase.

An PNP nagwarak nin kapupulisan mantang iguang ginibong mga coordinasyon sa mga lokal na gobierno, opisyales kan escuelahan bilang saindang ka-partner.

Sinabi pa na an PNP Bicol nagdestino sinda nin maabot sa 56 mil na security personnel tanganing maseguro an paz y orden asin seguridad.

Sa enot na tolong aldaw kan school year 2026-2027 pigkonduser sa Naga City Police Office an drug test sa mga personahes kaini mantang sibot sa pagbantay sa mga escuelahan. (PNP NAGA CITY POLICE OFFICE)