NFA nagbabakal na nin P27 kan paroy nin paraoma

Nagsakat na sa P27.00 cada kilo an palay procurement kan National Food Authority sa Camarines Sur asin Camarines Sur.

Ini an kinumfirmar kan NFA CamarinesSur sa Bicol Mail base sa pinakahuring bulletin alagad magdedepende kun malangkaw o mabababa sa masunod na mga aldaw.

An ahencia saro nang sanga an NFA Camarines Sur asin Camarines Norte na an mayor na opisina yaon sa Palestina, Pili, Camarines Sur mantang igua man giraray opisina sa Daet, Camarines Norte.

An pagpalangkaw presyo nganing matabangan an sektor dawa na ngani nagpoon an aranihan kan bulan nin Mayo 2028 na nag-aabot sana sa P18 hasta P20 sa ibang mga pribadong kumprada.

An binabakal na P27 dapat ciertong malinig, sabi pa kan ahencia.

Padagos an saindang palay procurement program directa hale sa mga paraoma. Afuera sa Palestina, Pili, Camarines Sur an iba pang bodega ninda igua sa San Jose, Pili, Barangay Bahay, Libmaman, Camarines Sur, bodega 1 asin bodega 1 Log-on, Daet, Camarines Norte.

Digdi sa Camarines Sur nakabakal na sinda nin maabot sa 20,000 na sako nin paroy hale sa 106 na indibidwal na paraoma asin pitong farmers’ cooperative association.

Padagos na inaalok kan ahencia an directa nindang pagpabakal nin paroy mantang halangkaw an presyo kumpara sa pribadong sektor na nagiging opurtunista kun panahon nin aranihan.

An suplay nin paroy o bagas sa mga bodega kan NFA, binabakal man kan mga LGUs asin DSWD orog na kun iguang calamidad nganing tabangan an apektadong sektor.