Notice of Dishonor Pwede na Ipadara sa Paagi nin Online

An notice of dishonor sa kaso nin BP 22 o ang Bouncing Checks Law puwede nang ipadara sa drawer o nag isyu kang tseke sa paagi nin rehistradong koreo, o email, Viber, Facebook Messenger, o iba pang kaparehong digital platform, basta nasusunod an mga kondisyon na itinakda kan Supreme Court.

Sa Arnel Carlos and Marivic Carlos v. People and Tire Star, Inc., G.R. No. 277047, April 15, 2026, pinagtibay kan Supreme Court, En Banc, ang conviction kang mag-agom na Carlos sa anom na kaso nin pagbalga kang BP 22.

Nilinaw kan Supreme Court na valid an electronic service kung an email address o account na ginamit naverify asin aktibong ginagamit kang drawer. Puwede man ini gamiton bilang substituted service kung dai praktikal an personal na paghatod. Kung substituted electronic service an gagamiton, dapat ipadara an mensahe sa laog nin 24 oras pagkatapos kang pinakahuring personal na paghatod, asin dapat nakasaad sa mensahe an mga detalye kan mga pag-attempt na ini.

Importante an notice of dishonor ta pigtatawan nin limang banking days an drawer para bayadan an tseke o mag-arrange nin paagi para mabayaran ini. Kun dai ini magibo, puwedeng maging basehan ini sa presumption na aram kang drawer na kulang o mayo ning pondo an saiyang account, na sarong mahalagang element kang kasong pagbalga sa BP 22.

An simbag na ini para sana sa pankagabsan na impormasyon asin dai dapat ituring na legal advice para sa partikular na kaso.

Kung may mga kahaputan, mag email sa ihapotkiattorney@gmail.com.