Nuarin Mayong Bisa An Ordinansa

Sa kasong Municipality of Tupi v. Faustino (G.R. No. 231896, August 20, 2019), nag gibo an Munisipalidad nin Tupi, South Cotabato nin ordinansa na nagtakda nin speed limit sa national highway, kasunod kan mga aksidente sa lugar. Si Atty. Faustino, na nagmaneho nin 70 kph sa lugar na may 40 kph na speed limit, nagbayad nin ₱1,000 na multa pero kinuwestiyon an bisa kan ordinansa.

Nagdesisyon an Korte Suprema na invalid asin void an ordinansa sa duwang importante na rason.

Enot, dai nasunod an requirement sa publication. Base sa Section 59 kan Local Government Code, an mga ordinansa na may penal sanctions dapat ipublikar sa dyaryo na igwa nin general circulation sa probinsya, asin dapat sundon an iba pang rekisito bago magin epektibo. Dai sapat an basta pag-aprobar o pag-post sana kan ordinansa.

Ikaduwa, dai nasunod kan munisipalidad an Republic Act No. 4136, o Land Transportation and Traffic Code, para sa pagregulate nin trapiko. Kaiba digdi an tamang klasipikasyon kan mga highway, paglaag nin mga traffic signs, asin pagsunod sa mga requirement kan LTO. An kapangyarihan kan lokal na gobyerno na magregulate nin trapiko dai nangangahulugan na puede na nindang ibalewala an mga kondisyong itinakda kan pambansang batas.

Sa huri, pinagtibay kan Korte an pagdedeklara na void an ordinansa asin an pagrefund kan ₱1,000 na binayad ni Faustino.

An leksiyon: An kaligtasan sa tinampo mahalagang responsibilidad kan gobyerno, pero an mga patakaran na ipinapatupad kaini dapat nakabase man sa batas. An maray na katuyuhan dai kapalit kan legal na proseso.