top of page

Nuarin Nagiging Adultery an Pagtataksil?

2 days ago
1 min read

Sa kasong Gue v. People, G.R. No. 226171, June 3, 2026, nilinaw kan Supreme Court na an simpleng pagtataid sa kama, paghadok o paghahaplos bako pa adultery. Sa Article 333 kan Revised Penal Code, kaipuhan na may sexual intercourse o pakikipagtalik sa lalaking bako niyang agom.


Sa kasong ini, naabutan an sarong babaeng kasal asin sarong lalaki na bako niyang agom na magkaibahan sa kama asin naghahaplos sa lambang saro. Pero dai mismo nahiling kan mga NBI agents na may nagaganap na sexual intercourse. Kaya, sinabi kan Korte na ilegal an warrantless arrest.


Sa Rule 113, Section 5(a) kan Rules of Court, pwede sana mag-arestar nin tawo na mayong warrant kun an krimen ay aktuwal na ginibo, ginigibo o tinatangkang gibohon sa presensya kan nag-aarestar.


Dai man ini nangangahulugan na abswelto na an mga akusado. Ipinabalik sana kan Supreme Court an kaso para sa preliminary investigation, kun sain pwedeng ipresentar an iba pang ebidensya.


Sa batas, kaipuhan mapatunayan an mga elemento kan adultery, asin dapat legal an pag-arestar sa sarong tawo.

Comments


bottom of page