OBJECTION YOUR HONOR!
- Jul 18
- 1 min read
Tigsik ko an duwang epal sa Senado
Sinda Boy Sili saka Caldero
Caldero madunong kuno pero tonto
Si Boy Sili an utak malasado!
Tigsik ko an Senadorang madrama
Malaymay an hitsura, nalosyang na
Malamlam an mata, pirming lutang pa
Kawasa dae mo lamang pigkukumusta!
Tigsik ko an feeling oragon na agila
Sa Senado nag-agaw eksena
Nagpa-press con, sadiri pigboa
Nagngawngaw, kinopyahan sa iba!
Tigsik ko and Pambansang Istambay
An saiyang buhay pirming mahayahay
Sigeng suweldo, mayong pakinabang
Sigeng lantuag, anas paglustay!
Tigsik ko si Senador Peluka
Kan nasa rally an alimpasay sobraaa
Alas kan siya nakalabuso na
An gabos na helang pinakyaw na!
Tigsik ko an abugadong sobrang hambog
Sa laban matalaw kayathaw magpurok
Remate ka sa amang mong obob
Sa payo mo laptop malagapok!
Comments