Omahan ginibong tanoman natong
- Bicolmail Web Admin
- Nov 8
- 2 min read
Sa tahaw kan padagos na agrangay nin mga paraoma sa baratong presyo nin paroy, nagdadakul na an disganado na sa pag-oma envez an iba nagtatanum nalang nin natong na minus gastos asin madali pang anihon.
Afuera sa ibang paraoma sa Rinconada area na pigkumbertir na an saindang omahan sa natongan, igua naman nagkapera sa Libmanan, Camarines Sur na dating bestado sa tambubong nin paroy. Sa ngunian napag-araman sa Department of Agriculture na iguang negosyante an nagbabakal kan inaning natong nganing isuplay sa ibang nasyon.
Sa Barangay Beguito Nuevo, pinaluwas kan sarong paraoma sa saiyang FB page na UMAestro. Tv an tanoman ninda kan sinambit na gulayon huli ta segurado na an saindang delihencia madali pang anihon asin dagos-dagos pa an income.
Sa ngunian nagcacantidad na sanang Php8.00 hasta Php10.00 an kilo kan paroy na pinapabakal kan paraoma sa mga kumprada.
Sinabi pa na ‘‘Mas profitable kaysa palay, mas climate-resilient, asin less maintenance pa’’. Huli kaini, saiyang pig-eenkanyar an iba pang paraoma na disganado sa hanap buhay sa pag-oma huli ta bagsak an presyo kan paroy kun kasuarin pa bulan o panahon nin aranihan.
Si dating Consejal Julian Lavadia kan programa sa radyo na ‘‘Asenso Agricultura, Asenso Paraoma’’ nagpahayag nin bilog na suporta mantang igua naman arog kaining paraoma sa upper barangay kan Ciudad nin Naga na ginibong natongan an saindang omahan mantang nalulugi sinda kun sa pag-oma sa baratong presyo nin paroy.
An ibang may mahiwas na omahan arog kan nangyari sa Kilometro cinco, Brgy. Pacol pig-kumbertir na sa mahiwas na Kamposanto.
An mga paraoma dai na nakahalat kan Executive Order 100 ni President Ferdinand Marcos Jr. para sa ‘‘floor price’’ sa paroy nganing maprotehiran an paraoma. Alagad an problema sa ‘‘floor price’’ dai man nakalaag an presyo.
