ONE BIG FAMILY

Tigsik ko an New Year na pig-abangan

Pighalat kan bilog na kinaban

An isip asin boot may kahaditan

Ano an maabot na kapaladan?

Mayong katuninongan na nagrereynar

Mga naciones padagos an kariribokan

Garo nang mga ikos saka ayam

Mayong kataposan an durolalan!

Ano baya an pig-aaragawan?

Poder? Onra? Yaman? Kapangyarihan?

Kada saro sagad an pagkagahaman

An gusto sinda an hadi kan kinaban!

Lugod mayong pasaluhib, gurulangan

Daeng harabasan, mayong kulimbatan

An pinapaurog karahayan kan kagabsan

Nungca an sadiring interes lamang!

Sa Bagong Taon sakong pig-aarang

ONE BIG FAMILY an bilog na kinaban

Pagkamoot sa kapwa iyo an magreynar

Kairiba an Amang Kagurangnan!