ONE BIG FAMILY
- Bicolmail Web Admin
- 2 days ago
- 1 min read
Tigsik ko an Bagong Taon na pig- aabangan
Uminabot na sa bilog na kinaban
Sa isip asin puso iguang kahaditan
Ano an maabot na kapaladan?
Mayong katuninongan na nagdadanay
Mga naciones padagos an kariribokan
Garo nang mga ikos saka ayam
Mayong kataposan an durulakan!
Ano baya an pig-iiriwalan?
Poder? Onra? Yaman? Kapangyarihan?
Kada saro sobra an kasablokan
An gusto maging Hadi kan kinaban!
Mayong pasaluhib, daeng gurulangan
Mayong harabasan, daeng kulinbatan
An pinapaurog karahayan kan kagabsan
Nungca an pansadiring interes lang!
Sa Bagong Taon sakong pig-aarang
ONE BIG FAMILY an bilog na kinaban
Pagkamoot sa kapwa iyo an nagrereynar
Kairiba an satuyang Amang Kaglalang!
Comments