OTBTC kan mga awtoridad vs pasaway sa trafico mapadagos

Nagpatanid si City Director PCol. Erwin Rebellion kan Naga City Police Office (NCPO) na bako lang sarong veces an saindang piglansar na One-Time-Big-Time Checkpoint (OTBTC) alagad ano man na oras malansar sinda kan kaparejong operasyon contra sa mga pasaway na tsuper.

Ini an pahayag kan NCPO kasunod kan saindang ginibong operasyon kan Sabado, Enero 20, 2024 matapos maabot sa sanggatos an saindang nasitar asin na-tiketan kan grupo na compuesto kan NCPO, LTO Naga, Mobile Force Company, Public Safety Office, Special Weapons and Tactics asin Anti Smoke Belching Unit na pinangenotan kan City Director.

An OTBTC nakawarak sa mga estratihicong lugar sa mga mayor na kalye kan Ciudad nin Naga.

Sa kaparejong operasyon naikurit kan grupo an 104 Citation Tickets, 3 Temporary Operator’s Permit, 2 nakumfiscar LED lights asin sarong na-impound na motorsiklo.

Aroaldaw an mga naikukurit sa NCPO an halangkaw na caso nin aksidente asin pagsinutil sa ley trafico. Objetivo kan saindang grupo tanganing mainaan an aksidente sa trafico.