P2,325 na ayuda sa mga paraoma ipapadagos-DA

Ipapadagos ngunian na Agosto 2026 an ayudang P2,325 sa mga paraoma sa Rehiyon Bicol kan Department of Agriculture na an fondo hale sa Presidential Assistant for Farmers and Fisherfolk Program (PAFFP) alagad nasa ika-tolong batch na compuesto kan High Value Crops Farmers asin mga paratanum nin niyog.

Ini an kumfirmasyon sa Bicol Mail sa paagi kan saindang official spokesperson Lovella Guarin, matapos igua nang enot na grupo na nagrecibe kan mga nakaaging bulan.

An high value crops farmers na kinababalehan nin 14,799 asin sa paratanum nin niyog nasa 16,166 mantang padagos pang itatao an ayuda si mga paratanum nin paroy asin mais na dai pa nakakakobra.

Piglinaw kan ahencia na an mga kabale sana sa makakarecibe kan sinambit na biyaya iyo si mga nasa listahan kan RSBSA o Registry System for Basis Sectors in Agriculture. Ini iyo an electronic database na pigcrear kan Philippine Department of Agriculture.

An cantidad 2,325 an pagtubod kan ibang mga paraoma hale sa ibang politico alagad piglinaw na an fondo pigtagama sa paagi kan Presidential Assistant for Farmers and Fisherfolk Program. Katuyohan kaini huli kan krisis sa produkto nin pretrolio na kabale sa apektado iyo an sektor nin paraoma.