P46-M tinaong ayuda kan NEA sa FICELCO

Nganing makatabang sa nagpapadagos na rehabilitasyon sa mga nagbagksak na mga linya asin poste kan First Catanduanes Electric Cooperative (FICELCO), an National Electrification Administration nagtaong ayuda na nagcacantidad Php46-M.

Si NEA Administrator Antonio Mariano Almeda nagbisita mismo sa Catanduanes kan Deciembre 2, 2024 nganing itao an tseke sa cooperativa.

Dagos nang nagbisita sa kamugtakan kan power restoration kan cooperativa asin nagseguro na magpapadagos sa rehabilitasyon an Task Force Kapatid.

An provinciang ini iyo si tinamaan kan Super Typhoon ‘‘Pepito’’ bako lang sa suplay nin kuryente an pinabagsak maging sa produkto agricultural na milyones peso dakula si danyos asin may mga nagabang harong.

Napaparikas na an power restoration mantang 25 mga cooperativa nin electricidad o Task Force Kapatid hale sa Bicol asin iba pang rehiyon an nagpapadagos sa pagtarabang sa pagpatindog kan mga poste asin mga linya.

Sa ngunian nasa 68 por ciento an napabulosan nin kuryente. Tataposon kan mga task force an saindang misyon nganing paghale ninda igua nang mga suplay nin kuryente an mga barangay.

Target ni General Manager Engr. Francis Gianan na mailawan an enterong coverage area antes kan Deciembre 20, 2024.

An danyos sa cooperativa huli kan sinambit na calamidad maabot sa P90.6M.