top of page

P51.6M danyos ni ‘’Karding’’ sa agricultura

Apektado man giraray an nagkaperang provincia sa Kabikolan dawa na ngani dai man naglamasa si bagyong ‘‘Karding’’ alagad an makusog na mga pag-uran na nagresulta sa tubig baha iyo man si nakaapektar sa mga produkto agrikultural.


Sa pinakahuring pinaabot na damage report ni Ms Lovella P. Guarin, OIC regional information officer kan Department of Agriculture (DA) hasta kan Septiembre 29, 2022 igwa nang total partial damage sa rehiyon cinco nin P51,646,384.76 na igwa man nin 2,853 na apektadong paraoma. Huli kaini sa listahan nagabot sa 3,494 ‘‘metric tons volume of loss.’’


Sa Camarines Norte – P26,687.86 sa lado nin anihon na paroy. Igwa maabot sa 935 apektadong mga paraoma sa 767 hektarya apektado na igwang kalugihan nin 1,662 MT na nagcacantidad nin 22,407,812. Sa corn plantation – anom na paraoma an apektado, sa 20 hektarya an nakalista na apektado asin perdida nin 50 MT na nagcacantidad nin P1,006.000.


Sinabi pa ni Guarin sa HVCDP igwang 36 na paraoma mga apektado, sa 18 hektarya na nagcacantidad sa P2,485,350.


Sa sektor nin parasira, 16 sana an pig-osip na apektado asin igwang P428,44 na danyos.


Sa Camarines Sur sa paroyan – 1,835 na paraoma apektado, 3,022 na perdida na nagaabot man sa 1,782 MT asin ini igwang cantidad na P25,013,821. Sa parasira – 25 an mga apektado asin sa reported damage na cantidad P305,000.

Comentarios


bottom of page