P698-M winalat na danyos sa agrikultura kan bagyong Opong

Pili, Camarines Sur --- Labi sa P698 milyon total an danyos sa agrikultura sa Bicol alagad an P644.2 milyon kaini sa bilog na provincia nin Masbate matapos kan laila kan bagyong Opong mientras 36,326 an total na apektadong paraoma, an 33,685 alagad an 33,685 hale sa Masbate base sa pinakahuring report kan Department of Agriculture Bicol sa paagi ni spokesperson Lovella Guarin.

An provincia nin Masbate iyo an nalagarto kan bagyo sa mga provincias kan Kabikolan mantang apektado an 20 municipalidades digdi asin sarong ciudad.

An provinciang ini iyo an may pinakadakulang danyos nin sobra sa P644 milyon asin labi sa 33,000 na paraoma an apectado. Kabale sa mga nadestroso iyo an agricultural commodities, kabale an corn plantation, mga gulayon, kanyogan cassava maging iba pang facilidades, siring kan mga patubig, ekipahes, manokan o poultry maging an fisheries sector.

Dinagdag pa ni Guarin an saindang ahencia nag-aandam na kan puedeng itaong ayuda sa mga apektadong paraoma.

An Kilusang Magbubukid sa Bicol nag-apelo na sa gobierno nasyonal na dapat matabangan na ribo-ribong paraoma nganing makabangon kan saindang pagbuhay. Sa ngunian nangangaipo sinda nin pagkakan, tubig, bulong na kabale sa apectado si mga kaakian na nag-eescuela.

Hagad ninda an ayuda bakong pautang asin iba pang compensasyon.