Pag-andam sa tag-uran, DA mataong libreng banhi

Pili, Camarines Sur --- An Department of Agriculture (DA) sa Bicol asin PhilRice nag-andam na nin libreng banhi nganing makatanom nin amay an paraoma sa paglaog nin bulan nin tig-uran.

An Philippine Atmospheric and Geophysical Astronomical Services Administration (PAGASA) nagpaluwas na nin anuncio matapos kan El Niño kan bulan nin Mayo, alagad ngunian na bulan nin Hunyo 2024 malaog naman an La Niña.

Mantang-aandam na an paraoma sa paglaog nin tag-uran sinabi ni DA regional spokesperson Lovella Guarin, igua nang pig-andam na banhi bilang ayuda sa paraoma orog na si nadestroso si paroyan huli kan El Niño.

Dakul na paraoma an agrangay huli ta nalugi kan El Niño asin naglalaom sinda kan libreng banhi alagad an DA dai pang asegurasyon kun igua pang libreng abuno.

An gabos na rehistrado sa Registry System for Basic Sectors in Agriculture (RSBSA) na mga paraoma calificado na maka-aprubetsar kan libreng banhi. Ini makukua sa Municipal Agriculturist Office (MAO) kan LGUs.

Alagad kun perang hektarya omahan yaon na sa MAO kun pera an itataong libreng banhi.

Iguang ibang mga politico na iyo an nagdidistribuer kan libreng banhi hali sa DA alagad nag-aagaw credito.

Dawa inagihan nin El Niño an rehiyon Bicol alagad halangkaw si produksyon sa inaning paroy huli ta dakul si nakatanom nin amay antes kan paglaog kan paltik.

An problema naman kan La Niña iyo an mga calamidad asin yaon digdi an tubig baha, sabi kan paraoma.