Pagbakal lokal na produkto tabang sa sektor agricultural

An pagbakal kan mga lokal na produkto dakulang tabang sa sektor nin agricultura sa tahaw kan nasa cuarenta porciento kan mga trabajador na Filipino hali sa sinambit na sektor.

Saro sinda sa pundasyon kan economia kan nasyon mantang an industriya nin agricultura iyo sana an pinaghahalian nin pagkakan kan mga familia hali man sa kaparejong sektor envez haros enterong Filipino.

Si Agri-Party-list Congressman Wilbert Lee, na sarong Bicolano nagsabi na sa tahaw kan ribo-ribo consumedores nagpapasiring sa mga mercado asin mall ngunian na panahon nin Pasko dapat suportaran an mga lokal na produkto.

An pagbakal nin lokal na mga produkto bako lang suporta sa industriya envez sa namamanuan Filipino. ‘‘Tangkilikin at suportahan natin ang maliliit na tindahan sa mga talipapa, palengke, bangketa at maging sa maliliit na kubol sa gilid ng mga kalsada,’’ sabi pa ni Lee.

PAGLANGKAW SA INSURANCE PREMIUM, SINUSPENDI

Sa atubang kan dai inoontukan ni AGRI Party-List Congressman Wilbert an biglaan pagpalangkaw sa insurance premium rates na binabayadan bilang pag-andam sa mga kalamidad siring kan bagyo, tubig baha asin linog. Nagkaigwa nin positivong resulta an pakitusayan ni Lee asin pangapodan sagcod maimbestigaran an paglangkaw sa insurance rates, nagdesisyon an Insurance Commission (IC) na suspendiron an pinaluwas na pulisiya na maresulta sa paglangkaw kan mga mayor na produkto.

An congresista na sarong Bicolano, padagos na binabantayan an isyu para sa kapakanan bako lang para digdi sa Bicol envez sa namamanuan Filipino.

Siya iyo an nagsangat kan Resolution 632 nganing maimbestigaran an dugang na singil sa insurance premium sa mga catastrophe siring kan linog, bagyo asin iba pang kalamidad. Huli kaini igwa nang aksyon an IC na suspendiron. (DPAureus)