PAGBISITA NI DA SEC. LAUREL SA PARTIDO AREA: P176.53M na cantidad nin facilidades kan mga paraoma winaras kan DA
Tigaon, Camarines Sur --- Abot sa P176.53 Milyon an kagabsan na cantidad nin mga facilidades an narecibe kan nasa 10,762 mga paraoma saka parasira o 150 farmers cooperatives asin asosasyon (FCAs) sa Partido area hale sa Department of Agriculture sa pagbisita ni DA Sec Francisco Tiu Laurel, Jr. kan Oktubre 19, 2026.
Sinabi ni Lovella Guarin, opisyal na parataram kan DA Bicol an mga facilidades kinababalehan kan tolong Modular Cold Storage asin tolong AA slaughterhouse an binasbasan ni Sec Laurel sa mga municipalidades kan Lagonoy, San Jose asin Tigaon na gabos nagcacantidad nin P10,871,692.40. An ika-apat na Modular Cold Storage Facility binasbasan kan secretaryo sa Garchitorena na nagcacantidad nin P12,871,692.40. Tinao pa ni Sec. Laurel an certificate of award para sa P51,449,621.89 na AA Slaughterhouse sa Municipal LGU kan San Jose.
Laen pa kaini, an mga paraoma asin parasira sa mga LGUs banwaan kan Partido area siring kan Caramoan, Sagnay, Tigaon, Tinambac, Siruma, asin San Jose nagrecibe nin cantidad P79.5 Milyon inerventions hale sa DA Bicol Rice Program, asin Bureau of Fisheries and Aquatic Resources.
Dinagdag pa ni Guarin, hale sa Rice Program, P5.8 Milyon cantidad nin hybrid palay seeds na may kaiba nin inorganic fertilizers, an Cord program igua cantidad na P7.8-M na interbensyon kabale an 4-wheel drive tractors, hybrid corn seeds asin pestidiyo, mga seeds, farm tools asin abuno.
An Philmech igua man nin darang 4-wheel drive tractors asin rice combine harvesters na may total na cantidad nin P14.7M mantang an BFAR nagwaras man nin tilapia fingerlings asin bangka na nagcacantidad nin P577,250. Mientras, 187 na mga paraoma an nagrecibe nin cash assistance sa lindong kan Presidential Assistance for Farmers and Fisherfolk Program na iguang halaga nin P434,775.
Sa pahayag kan DA secretary, sinabi kaini sa paraoma na an saindang ahencia dai nagpapaba nganing mag-asenso an sektor paraoma sa saindang hanap buhay asin economia sa Partido Area.
Comments