top of page

Pagbuelta kan klase sa bulan nin Hunyo bakong madali

Nagdadakul nang grupo kan Parent Teachers Association (PTA) saka estudiantes an nagpapabor na ibalik na sa dating bulan nin Hunyo an burokasan nin klase, alagad an Department of Education (DepEd) nagsabi na bakong madaling desisyon na ibuelta an klase sa sinambit na bulan.


Si Director Gilbert Sadsad kan DepEd Bicol nagsabi bakong posible ibalik sa dating bulan alagad harahalawig an proceso huli ta maagi pa sa congreso.


Nagribay kan burokasan klase maging sa pagtapos kan school year epekto kan duwang taon na pandemya mala ngani an mga klase pinaagi sa modular learning, sabi pa.


Nagbago naman si oras nin mga klase sa tahaw kan epekto kan El Niño asin ngunian buelta naman sa dating oras.


Maging an mga paratukdo sa pribado asin pampublicong escuelahan mantang buelta na sa face to face classes nagpapabor na kan orihinal na kalendaryo kan school year.


An mga escuelahan naghahanda na kan saindang actividades sa graduation rites sa sunod na bulan na liwat nindang ipapasunod an face to face kasunod kan pagtugot na kan DepEd alagad depende sa mga magurang kun papasuloton ninda nin face mask an magraduwar na estudiantes.


Sa mga classrooms mayoria kan mga estudiantes sa elementarya asin segundarya naggagamit pa nin face mask para sa proteksyon laban sa covid- 19.

Comments


bottom of page