Paghusay sa barangaysa isyu kan right-of-way

Marhay na aldaw po, Atty. Si kapitbahay mi po nagkudal sa agihan na haloy mi nang ginagamit pasiring sa samong harong. Dahil digdi, nagkaigwa kami nin iriwal. Bago ako magsangat nin kaso sa korte para mabawi ang posesyon kan daga, kaipuhan ko daw po na iatubang an bagay na ini sa barangay? Kun direkta po akong magsangat nin kaso sa korte na dai nag-agi sa barangay mediation, ano po an epekto kaiyan sa sakong kaso?

-----

Sa kadaklan na kaso na tungkol sa mga indibidwal na nakaistar sa parehong siyudad o munisipyo, an batas nag oobliga na mag-agi nguna nin barangay conciliation sa irarom kan sistemang Katarungang Pambarangay bago magsangat nin kaso sa korte.

An iriwal na sinabi mo tungkol sa pagkudal kan agihan saka pagbawi posesyon kang daga kung mayo man hinahagad na injunction o restraining order ay sarong halimbawa nin civil case na kaipohan isairarom sa barangay conciliation. An purpose kani matawan nin pagkakataon an mga partido na maresolbar an saindang iriwal sa mapayapang paagi na dai na kaipuhan magkaso sa korte.

Kun magsangat ka nin kaso direkta sa korte na dai nag-agi sa barangay, an kaso puwedeng idismiss kan korte.

An simbag na ini para sana sa pankagabsan na impormasyon asin dai dapat ituring na legal advice para sa partikular na kaso.

Kung may mga kahaputan, mag email sa ihapotkiattorney@gmail.com